THEVESTLYCEE
مرحبا بك في منتديات تبسة التي تهتم بالتعليم الثانوي . نرجو منك زائرنا الكريم التسجيل والمشاركة معنا ونتمنى لك اطيب الاوقات في رفقتنا.

معاك يا الخضرا

استعرض الموضوع السابق استعرض الموضوع التالي اذهب الى الأسفل

28012010

مُساهمة 

معاك يا الخضرا




معاك يا الخضرا


رانا فرحنين بالنصر ياتينا ********ربي موحال ينصر الظالم

المنتخب الوطني بات مزهينا ******يحي سعدان لي فيه ينظم

افرحوا يا شبان هدف يكفينا ****** تاهل الفريق لكاس العالم

اسم الجزائر رانا تمنينا ******** الفريق انتاعنا ما ينهزم

نظمنا السهرات النوم ما يجينا *****فوق السيارت رفرف العلم

حولك يا علم الكل تلمينا ******** في وقت الشد خاوة ليك ننظم

بمليون ونص عليك ضحينا *******وقت احتلال فرنسا الغاشم

جبنا الاستقلال رفرفت علينا ******اطلق انحييك بنشيد القسم

رفرف وزيد في كل قرية ومدينة****للمونديال الفريق راه اترسم

الطاقم اليوم نجى السفينة ***** بفضل سعدان بعد الله فايق يعلم

في بر الامان الرحال حطينا ***** النصر لازم يكون لينا امحتم

من الحقرة وجراحها رانا برينا **** المسلم كيفاه يحقر خوه المسلم

الحقرة وعلاه يا فراعنا *******يحقر غير الضبع في غارو ما يحشم

يخي ما حقرناكمش احنا ******في مدينة الورود الورد اتقدم

سجل يا تاريخ بلي ظالمينا ******والظلم وعلاه في كرة القدم

بهتانكم صعيب كان مليهنا ******الشعب الجزائري معروف بالكرم

جيناكم ضياف عدتوا حاقرينا **** والتاريخ اصعيب عمروا ما يرحم

يكفينا من الظلم يكفينا ******* تندموا عليها ولا ينفع الندم

لا قيتوا لوتوبيس بالحجرة لخشينا ***جرحتوا اللاعبين والزجاج اتحطم

من هذا الظلم الشاعر في غبينة *****سعيد لمقراوي يكتب وينظم

يا شحاتة راك بقيت كالرهينة ***** سماطتلك ووجهك اتغيم

كي سجلتوا الهدفين جاتكم بنينة ****في ام درمان ماكنتش اتخمم

الضرب كان صعيب من لاعبينا ***** و علاه ووجهك ما بقاش فيه الدم

عنتر يحي انت تشرفت بينا ****** ضربتها وين مكناش نحلم

يا شاوشي بلاك اطيحها بينا ******طير كالطير للكرة واحكم

بوغرة مجيد دافع زهينا *******خلي صايفي رفيق بالكرة يصدم

زياني كريم ضربتوا ارزينا ****** نعرفوك في الميدان تعرف اتقاوم

كريم مطمور هاجم بركينا ******* خلي الشعب زاهي مبتسم

حسان يبدة بلعبوا ينسينا ******* فتحي غيلاس اسد كي يهجم

يا يزيد منصوري بلاك تبكينا ***** يامغني مراد قاوم متحتم

زاوي سمير لا اطفرها فينا ******يا نذير بلحاج راوغ لا تندم

عبد القادر لغزال بالروح افدينا **** 40 مليون تستناك تصدم

يا رفيق جبور بلاك تقصينا ******الاقصاء راه اصعيب امام الخصم

بزاز وحليش لعبهم يكفينا ******* ولموشية خالد لي بيه نختم

نحي روراوة لي رجع لينا ****** صادي وزفزاف لي بيهم يخدم

تحيا الجزائر امنا الزينا ******* يبقى راسها مرفوع في وسط الامم

ونطلب ربي بوتفليقة يبقى لينا **** جاءنا بالوئام كلش اتسقم

وعلينا بالاتحاد واحد ما ياذينا ***** امام العديان مادامنا احزم

ونشكر السودان لي تشرفت بينا **** وعمر البشير صاحب الكرم

خوخة
عضو ممتاز
عضو ممتاز

عدد المساهمات : 400
نقاط : 21845
تاريخ التسجيل : 11/11/2009

الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

معاك يا الخضرا :: تعاليق

مُساهمة في الجمعة يناير 29, 2010 3:09 pm  عدلان

الشاعرة
ههههه
مرسي عليك

الرجوع الى أعلى الصفحة اذهب الى الأسفل

مُساهمة في الجمعة يناير 29, 2010 9:29 pm  riham

لقد وقف المنتخب الجزائري و للاسف عاجزا ءامام مرمى الحضري و هدا يعكس قوة المصريين في لعبهمen équipe

vive l'egypt et l'algerie

الرجوع الى أعلى الصفحة اذهب الى الأسفل

مُساهمة في الجمعة يناير 29, 2010 11:41 pm  زائر

ماعليش خيرها في غيرها
مع مصر خسرنا 4
مع الانغليز نخسرو 75174562456

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى