THEVESTLYCEE
مرحبا بك في منتديات تبسة التي تهتم بالتعليم الثانوي . نرجو منك زائرنا الكريم التسجيل والمشاركة معنا ونتمنى لك اطيب الاوقات في رفقتنا.

الحرقـــــــــــــــــــــــــــــــــــــــــــــــة

استعرض الموضوع السابق استعرض الموضوع التالي اذهب الى الأسفل

الحرقـــــــــــــــــــــــــــــــــــــــــــــــة

مُساهمة  the kid في الأحد أكتوبر 03, 2010 9:41 pm

إليوما إخواني أخواتي ..............
وخياني في الكفاح من أجل كسب لقمة العيش......
باش نحكيلكوم على الحرقة................
أو الهروب من تونس بإتجاه إيطاليا..........
أو الدخول خلسة إلى تراب إيطاليا.........

يا سيدي بن سيدك ..........
حكاية الحرقان هاذي مابداتش من توا..............
إيه نعم.............
من قديم التاريخ..............
من قبل حتّى قرطاج و الرومان ............
وولادها يخمموا و يكنبصوا .................
وهدفهم الأرقى و الأسمى .................
ومنى حياتهم................
الوصول لبر الروم............

من قبل مايتولد .............
الصغير ملي هوا في كرش إمو ..........
و هوا يلوج عل الحرقان..........
تلقاه آهو مشا على اللمين.........
آهو مشا عل ليسار.........
آهو ضرب أمو..........
موش على خاطر يتحرك ............
لا.....
على خاطرو مستعجل.........
يحب يوصل للدنيا ..........
باش يحرق للطليان ..........
و من أوّل ما يهبط يقوم يبكي..............
تقول إنتي علاش..........
على خاطر هبط في البلاصة الغالطة..........
موش على خاطر شاف الضو..........
من قبل ما يتولد يتزرع فيه حب الحرقة........
موروث أب عن جد........

سمعت قالوا إلي أول إنسان في أوروبا.......
أصلو طلياني ........
هاكا ما يطلع كان واحد حارق ........
من قارة إفريقيا .............

و كل مايزيد يكبر...........
كل ما تتحل عينيه أكثر على الحرقة ........
و آهو قاعد يكنبص و يدبر في راسوا ....
باش يخرج و يقصد ربي .........
و للمبادوزا يوصل يدبي ........


عندي قصة متاع شبيّب ............
دبر فلوس الحرقة و لقا جماعة .......
باش يوصلوه لبر الروم ..........
وقصدوا ربي الصباح بكري .......
و داروا بيه آهو إيمين آهو ايسار ......
لين وصلوا ...........
وشاف قداموا بر ..........
عاد قالولوا نقز و برا عوم ......
سي وخينا ما طمع بالله ..........
و بدا يضرب ........
و حدة إيمين .....
وحدة ايسار...........
و هوا يقاوم في الموج .........
و بعد جهد جهيد ...........
و صل سي الشباب للأرض ......
و ساقيه مست القاعة .........
و دخل ...........
وهوا حافظ كليمات بالطليان ..........
تشاو، كومي ستاري، باني
عاد أوكا جا قدام طرحة قاعدين ........
و تجلطم عليهم بها الكلمتين ........
ووقفوا يتفرجوا عليه مبهمين ......
جاه شايب وقالو ............
وليدي ماهو لاباس .........
ووقتها فهم إلي هوا ماهواش في إيطاليا ..........
أما في قرقنة ................
وفهم الي الطرحة سرقولوا فلوسوا ...........
و ضحكوا عليه ................
و بها المناسبة نححيوه على المجهودات متاعوا ........


و كل مرة خرافة جديدة.......
و السلام عليكم .........

_________________
لن يعرفكَ أحد ًا مالم تعبر عن أفكارك.. فلتكن نسمة..أو صوتا للحــــــــق.. أو بُقعة ضـــــــوء.


........................................................................................




the kid
عضو ممتاز
عضو ممتاز

عدد المساهمات : 254
نقاط : 21072
تاريخ التسجيل : 08/11/2009
العمر : 24

الرجوع الى أعلى الصفحة اذهب الى الأسفل

رد: الحرقـــــــــــــــــــــــــــــــــــــــــــــــة

مُساهمة  aissa13 في الأربعاء أكتوبر 06, 2010 11:45 am

سردينيا حلم كل شاب جزائري


_________________
لا اله الا الله محمد رسول الله
الحمد لله

aissa13
عضو محترف
عضو محترف

عدد المساهمات : 750
نقاط : 20944
تاريخ التسجيل : 17/01/2010
العمر : 25

http://www.facebook.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى